Mjeku i njohur epidemiolog, Dr. Tritan Kalo, protagonist publik kohët e fundit për shkak të pandemisë koronare, ka bërë një kapërcim në profilin tij publik, duke shprehur zemëratë ndaj aktakuzës së Speciales ndaj Thaçit.
duke e kuptuar dhe vetë këtë, dr.kalo shkruan se “përpos të qënurit mantelbardhë unë nuk mundet të mohoj faktin e të qënurit një qënie sociale”. më pas, nën irritim, njeriu që ofron prognoza dhe këshilla mjekësore në lidhje me situatën, nuk ngurron të futet në të thellat e politikës.
“A mundet që Europa e Bashkuar, kjo pretenduese e “lirisë, barazisë dhe vëllazërisë” midis popujve të cilët e përbëjnë këtë organizëm dhe jo vetëm, dhe ku ne përpiqemi të hymë prej dhjetra vitesh të zhbëjë gradualisht drejtësinë e luftës çlirimtare të UÇK-së, e të mbrijë deri aty sa në bashkëpunim dhe në bashkëveprim me shumë qarqe anti-shqiptare, jo vetëm t’a minimizojë këtë luftë çlirimtare dhe shpëtuese ndaj genocidit sërbo-madh të makinës vrastare millosheviçiane, por të dërgojë në bankën e të akuzuarve bijtë e bijat më të mirë të shqiptarëve të kosovës, të shqipërisë…”, shkruan dr.Kalo, i cili gjithashtu kalon dhe në sferën e qasjeve historike të prejardhjes shqiptare, në raport me manipulacionet serbe.
“…u prishën ëndrat shqiptarofobe çubrilloviçiane jo vetëm sllavëve të mbritur nga uralet e largëta në “Illiricum Peninsula” aty nga fund shekullii i VI-të, por ndoshta edhe të atyre forcave të errëta të cilat ndër shekuj bënë dhe po bëjnë të pamundurën të zhbëjnë nga harta e historisë dhe e kontributeve qytetëruese eropiane qytetërimin ilir, emrin e gadishullit tonë “Illiricum Peninsula”, gjuhën ilire si rrënja ushqyese e gjuhës së sotme shqipe dhe e shumë gjuhëve të tjera si dhe shpërndarjen e shqiptarëve pas Konferencës së Paqes të Versajës së 1919 në pesë shtete, duke e bërë unike në botë faktin se Republika e Shqipërisë të rrethohet edhe sot e kësaj dite vetëm e vetëm nga troje arbërore të banuara nga pasardhësit direkt të ilirëve, shqiptarët….nuk është është aspak e rastësishme….në prag të 27 qershorit 2020 do të ishte shumë më e kollajtë t’u imponoheshe atyre, që janë nën aktakuzë nga e ashtuquajtura drejtësi ndërkombëtare…”, shkruan njeriu që njëherësh puna e misioni ia do të jetë 24 orë në 24 mbi ata që janë infektuar e duan trajtim mjekësor. /tesheshi.com/
