Ministri i Brendshëm Saimir Tahiri ka kërkuar ndërhyrjen e Greqisë dhe Italisë për të përforcuar kontrollin kufitar. Gjatë një takimi në minestralin e organizuar në Slloveni, ku morën pjesë edhe homologë nga vendet e Ballkanit Perendimor, Tahiri kërkoi më shumë bashkëpunim për arrestimet e trafikantëve të drogës kryesisht, pasi sipas tij tij Shqipëria ndodhet në një fazë që ka nevojë për ndihmë.
“Do ta vlerësoja shumë ndihmesën e të gjithëve ju, për të na ndihmuar në këtë fazë kalimtare. E sigurt është që ne nuk jemi në fazë emergjence. Por është e sigurt gjithashtu se Shqipëria nuk është jashtë rrezikut. Ne kemi kërkuar vazhdimisht ndihmë nga Greqia dhe Italia, dhe këtu do të doja të falënderoja Dimitris Avramopoulos për ndihmën e tij”, u shpreh Tahiri.
Ai tha se në Shqipëri ka arrestuar rekrutues dhe trafikantë, përmes bashkëpunimeve me EUROPOL-in, megjithatë për ministrin nuk është e mjaftueshme.
“Mund të bëjmë dhe më shumë. Ne i kemi mësuar mësimet tona. Nuk kemi më luksin për të qenë vonë. Pra le të bëjmë atë që duhet të bëjmë, përpara se të jemi përpara emergjencës”, tha Tahiri./tesheshi.com/
