Opozita jashtëparlamentare zgjodhi një dyshe për të marrë pjesë në komisionin e Reformëz Zgjedhore, kumtuar kjo nga vetë kryetari Basha, kur tha se “opozita e bashkuar ka insistuar në një mekanizëm që synon transparencën, kanë kaluar 4 muaj dhe procesi është zvarritur, sot opozita rikonfirmon qëndrimin e saj për nisjen pa vonese të reformës zgjedhore dhe mandaton Oerd Bylykbashin dhe Petrit Vasilin për të dakordësuar mekanizmin për ecjen para të reformës”.
Basha rikonfirmoi dhe njëherë se ai nuk është për ndryshim sistemi zgjedhor, duke arsyetuar:
“Mbetemi të hapur për të diskutuar në mënyrë gjithëpërfshirëse çfarëdo sistemi, por 7 vitet e fundit kanë treguar qartë se problem ka qenë shitblerja e votës bashkëpunimi me krimin, të mos i hedhim hi syve se me një palë këpucë të tjera do të shkojmë në një situatë tjetër, por t’i japim shqiptarëve mundësinë të shprehen”. Ndërkohë, dy përfaqësuesit e mandatuar të opozitës së bashkuar, ish-deputetët Petrit Vasili nga LSI dhe Oerd Bylykbashi nga PD, u ulën në një tryezë me dy bashkëkryetarët e Damian Gjiknuri dhe Rudina Hajdari.
Siç mund të vërehet, opozita jashtëparlamentare është tërhequr nga dy kushte: Jo Damian Gjiknuri si kryetar komisioni dhe jo bashkëkryesimi i komisionit nga znj.Hajdari si përfaqësuese e opozitës së re. /tesheshi.com/
