Naftëtarët e Ballshit, burra e gra, vendosën ta mbyllin grevën e tyre të urisë, pasi të hënën do kenë një takim ballë për ballë me Ramën.
“Erdhi momenti që do ketë zgjidhje për naftëtarët. E besoj që ka një zgjidhje, kam besim tek kryeministri”, tha një nga gratë greviste.
“Lajm shumë i mirë mbyllja e grevës në Ballsh! Më vjen keq për kaq shumë ditë mundim të panevojshëm, përderisa jo vetëm kemi qenë plotësisht të ndjeshëm ndaj hallit tuaj, po edhe të gatshëm ta qajmë hallin së bashku! Tani caktoni përfaqësinë dhe nesër do të jem vetë aty me ju”, shkroi Rama.
Ky i fundit nuk pranonte të takohej pa u ndëprerë greva, pasi e konsideronte atë si presion të padrejtë ndaj qeverisë. Për Ramën, nuk është përgjegjësë qeveria për atë çfarë u ka gjetur naftëtarëve. /tesheshi.com/
