Kreu i Policisë së Kosovës, Samedin Mehmeti ka dhënë dorëheqjen këtë të martë.
Kjo është bërë me dije nga ministri i linjës Xhelal Sveçla, përmes një postimi në Facebook.
Si motiv i këtij akti është ngjarja e rëndë e përdhunimit në grup të një 11-vjeçareje nmë Prishtinë.
“Sot gjatë ditës kam pranuar kërkesën për dorëheqje nga z. Samedin Mehmeti, Drejtor i Policisë së Kosovës. Kjo kërkesë sipas z. Mehmeti erdhi pas rastit të fundit të dhunimit të 11-vjeçares, për arsye personale dhe ndërgjegje profesionale”, ka shkruar Sveçla.
Ministri ka bërë të ditur se në vend të tij është caktuar Fehmi Hoti.
“Tashmë Kryeministri Kurti ka liruar nga detyra z. Mehmeti dhe ka caktuar si ushtrues detyre të Drejtorit të Përgjithshëm z. Fehmi Hoti, Zëvendësdrejtor i Policisë së Kosovës. Me këtë rast falënderoj z. Mehmeti për angazhimin e deritanishëm dhe bashkëpunimin e mirë si dhe i uroj suksese në detyrat e mëtejme në Policinë e Kosovës”.
Kujtojmë se për një ngjarje po kaq e rëndë, jetëhumbja e një vajze 6-vjeçare nga një efektiv policor në plazhin e Potamit në Himarë, vrarë nga helikat e një gomonoje që drejtohej prej ish-shefit të Komisariatit të atyshëm, nuk pati asnjë dorëheqje në Policinë e Shtetit. /tesheshi.com/
