Warren Buffett, një investitor amerikan me vlerë dhjetëra miliarda dollarë, ka dhënë dorëheqjen si Komisioner i Bill dhe Melinda Gates.
Që prej angazhimit 15 vjet më parë për të dhuruar pasurinë e tij të fituar duke drejtuar Berkshire Hathaëay, Buffet ka dhuruar gjysmën e saj për bamirësi.
Miliarderi 90 vjeç deklaroi se ai ka qenë një “komisioner joaktiv” i shoqatës për vite me radhë, por që mbështeti plotësisht drejtorin ekzekutiv Marko Suzman dhe se qëllimet e tyre “përputhen 100 përqind”.
Buffer nuk shpjegoi pse po jepte dorëheqjen, por njoftoi se do të dhuronte 4.1 miliardë dollarë dhe 15.2 milion aksione të të Berkshire Shoqatës së Gates dhe katër shoqatave bamirëse, si pjesë e premtimit të tij për të dhuruar 99% të pasurisë së tij totale.
Që nga viti 2006, Buffett ka dhuruar më shumë se 41.5 miliardë aksione të Berkshire, dhe 32.7 milion i kaluan Fondacionit Gates. Shuma totale e dhurimeve të tij tani vlen rreth 100 miliardë dollarë pasi çmimi i aksioneve të Berkshire është rritur.
“Gjatë dekadave, unë kam mbledhur një sasi pothuajse të pakuptueshme thjesht duke bërë atë që dua”, tha Buffett. “Shoqëria përfiton nga paratë e mia: Unë jo!”.
Bill Gates tha se ai është mirënjohës për miqësinë e gjatë me Buffett dhe gjithmonë do të ketë një ndjenjë të thellë të përgjegjësisë ndaj tij.
Nëse Warren Buffett nuk do të kishte dhuruar pjesën më të madhe të pasurisë së tij, vlera e saj do të ishte afërsisht e barabartë me atë të Jeff Bezos, themeluesit të Amazon dhe personit më të pasur në botë, sipas revistës Forbes. /tesheshi.com/
