Kryeministrat e Maqedonisë dhe Greqisë, Zoran Zaev dhe Alexis Tsipras, në një bisedë telefonike mes tyre konfirmuan se do të vazhdojnë drejt zbatimit të plotë të Marrëveshjes së Prespës.
Kontakti mes tyre vjen pas dy zhvillimeve jo fort pozitive, dorëheqjes së ministrit të Jashtëm Nikos Kotzias, si dhe betonimit të qëndrimit të opozitës maqedonase, se nuk do japë asnjë votë për ndryshimet e kërkuara kushtetuese, të cilat do vulosnin emrin e ri.
Zëdhënësi i qeverisë greke, Dimitris Tzanakopoulos tha se të dy kryeministrat premtuan se do të vazhdojnë përpjekjet drejt jetësimit të Marrëveshjes së Prespës.
“Kryeministri ynë komunikon shpesh me Zaev. Është e qartë se kryeministri i vendit fqinj nuk pse të komentojë mbi zhvillimet e brendshme në Greqi Ata ranë dakord që të dy të punojnë për Ballkanin e shekullit të 21”, tha Tzanakopoulos. /tesheshi.com/
