Janë mbi një mijë atletë rus të cilët kanë përfituar nga manipulimi i testeve anti doping dhe kanë marrë pjesë në Lojëra Olimpike dhe paraolimpike në Londër 2012 dhe në Sochi.
Sipas raportit të bërë publik nga avokati kanadez Richard McLaren, i cili është në krye të komisionit të pavarur të agjencisë ndërkombëtare anti-doping, Wada, “konsipracioni institucional” për të fshehur përgjigjen pozitive të atletëve të Moskës është shënuar para vitit 2011 dhe vijon deri në vitin 2015. Skandali përfshin 12 sportistë rus me medalje, mes së cilëve 4 fitues të një medalje ari në Lojërat e mbajtura në Sochi.
Pjesa e dytë e raportit të McLaren, e cila vijon me të dhëna tronditës të dala gjatë qershorit të kaluar, nënvizon se si në Lojërat Olimpike në Londër është zhvilluar “korrupsion i pa precedentë”, duke shtuar se si “dopingu i shtetit” i iniciuar nga Moska ka çuar në një “konsipracion institucional të atletëve rusë, të mbështetur edhe nga Ministria e Sportit dhe infrastruktura e saj, siç është Rusada (agjencia ruse anti doping), qendra ruse e pregatitjes sportive dhe laboratori i Moskës”.
“Atletët nuk vepronin të vetëm por në bashkëpunim me një strukturë të organizuar siç e kemi raportuar në raportin e parë”, vijon denoncimi i dokumentuar nga McLaren./tesheshi.com/
