Donika Gërvalla, e bija e poetit dhe atdhetarit të njohur Jusuf Gërvalla, ka pyetur kreun e LDK-së njëherit kryeministrin Isa Mustafa, se kush e vrau Xhemail Mustafën, veprimtarin dhe bashkëpunëtorin shumëvjeçar të presidentit të ndjerë Rugova. Këtë pyetje Donika e ka bërë përmes një shkrimi në Facebook me rastin e 15 vjetorit të vrasjes së Xhemailit.
“Gjatë fushatës zgjedhore, atëherë kur kërkoje votat e elektoratit të LDK-së, bëje be e rrufe se po të bëhesh kryeministër do të nxjerrësh para drejtësisë vrasësit e Xhemail Mustafës dhe Enver Malokut, dy personaliteteve të rralla të LDK-së, të cilët i luftoje me aq ngulm sa ishin gjallë, ashtu siç i luftoje nga Gjermania të gjithë bashkëpunëtorët besnik të Kryetarit Rugova. Vitin e kaluar, pak ditë pas 14-vjetorit të vrasjes së Xhemajl Mustafës, hyre në koalicion me SHIK-un dhe krimin e organizuar në Kosovë dhe natyrisht që ato premtime mbetën vetëm fjalë. E megjithatë drejtësia ka për të triumfuar!”, ka shkruar Gërvalla.
/tesheshi.com/
