Donald Trump ka deklaruar se nuk do ta pranojë dhe nuk do ta marrë rrogën e tij si president kur të vendoset në krye të Shtëpisë së Bardhë.
I zgjedhur President pasi fitoi në garën kundër Hillary Clinton ai është shprehur se nuk do të marrë asnjë dollar nga rroga e tij 400 mijë dollarëshe si kreu i shtetit amerikan.
Duke folur në një event gjatë muajit shtator që lamë pas, ai tha në New Hampshire: “Gjëja e parë që do të bëj nëse arrij të zgjidhem si president, është t’ju tregoj nëse do ta pranoj rrogën apo jo, në rregull? Por kjo nuk është ndonjë gjë apo problem i madh për mua”.
Gjatë fushatës së tij, politikani republikan i mëshoi shumë faktit se është një biznesmen milioner dhe se nuk ka në plan të hyjë në politikë e të marrë këtë post për t’u pasuruar. Pasuria e Trump sipas Forbes llogaritet të jetë 3.7 miliardë dollarë.
Edhe më parë presidentë të tjerë e kanë dhuruar rrogën e tyre për bamirësi duke u shprehur se nuk e kanë financiarisht të nevojshme të paguhen, duke qenë se të ardhurat e tyre ishin të larta. Herbert Hoover dhe John F Kennedy i kanë dhuruar rrogat e tyre për bamirësi./tesheshi.com/
