Ambasadorët e SHBA-së dhe BE-së: Donald Lu dhe Romana Vllahutin nuk janë mjaftuar me takimet kokë më kokë me krerët e partive, por publikisht u kanë urdhëruar që ta mbyllin reformën në drejtësi këtë muaj dhe ta votojnë në Kuvend brenda qershorit.
Në një takim të paprecedent, i dërguari i SHBA-së në Tiranë ka qenë i prerë duke u kërkuar politikanëve që të lënë vicklat.
Në mbledhjen e Komisionit Parlamentar të Reformës, ambasadori amerikan ka ishte mëse i qartë.
“I kërkoj komisionit sot të mbështesë një kalendar të vërtetë për miratimin e kësaj reforme. Në këtë komision deri në fund të majit dhe në Parlament deri në fund të qershorit. Ndaloni lojërat politike dhe filloni ta përfundoni këtë reformë. E keni për detyrë”, deklaroi Donald Lu.
Në mënyrë të përsëritur dy ambasadorët e bënë të qartë se nëse dështon reforma preken marrëdhëniet me SHBA-në dhe BE-në.
‘Ne besojmë se Shqipëria nuk mund të humbasë më shumë kohë. Të dy palët, BE dhe SHBA jemi këtu se jemi të interesuara për Shqipërinë. Nuk do të lejojmë që politika e përditshme të dëmtojë këtë të ardhme të Shqipërisë dhe do ta ndihmojmë të bëhet një demokraci funksionale. Mendoj se tani gjërat janë shumë të thjeshta.
Ju keni përgjegjësi dhe personale dhe politike para vendit dhe para popullit tuaj. Një mundësi unike për Shqipërinë, mos e harxhoni atë kot”, deklaroi ambasadorja Romana Vlahutin.
Kurse Lu vazhdoi duke e përforcuar mesazhin:
“Kam një mesazh të thjeshtë: nëse kjo reformë dështon, ju anëtarët e këtij komisioni turpëroni veten para atyre që ju kanë zgjedhur dhe gjithashtu do të turpëroheni marrëdhënien tuaj me SHBA dhe BE.
Vendi ka nevojë për këtë reformë. E para, do të dështoni nëse kërkoni ta baltoni këtë reformë, e dyta do të përballeni me zemërimin e popullit shqiptar në zgjedhjet e ardhshme parlamentare, nëse mendoni se mund të mbroni gjykatësit e prokurorët e korruptuar…”.
/tesheshi.com/
