Kanë dalë në dritë dokumente ku tregojnë se Presidenti i vendit, Ilir Meta, qysh në vitin 2015 kur ishte në krye të LSI-së, ka kërkuar që të kishte anëtarë të partisë së tij në Gjykatë Kushtetuese.
Dokumenti me propozimet e LSI-së kishte ardhur në kuadër të diskutimeve të atëhershme për ndryshime kushtetuese, të cilat ishin miratuar një vit më vonë, me projektimin e ri të drejtësisë.
Propozimi i atëhershëm ishte prani e LSI-së, e ngjashme me balancën e përfaqësimit në KQZ. Por kërkesa e Metës ishte hedhur poshtë nga ndërkombëtarët, të cilët kishin nxjerrë jashtë loje partitë politike nga zgjedhja e anëtarëve të Gjykatës Kushtetuese.
Ky dokument duket se shpjegon inatin e kahershëm me reformën në drejtësi, të cilën Meta e ka kritikuar pavarësisht notave pozitive që i janë dhënë nga hetues ndërkombëtar. /tesheshi.com/
