Një gjykatë në Bangladesh ka dënuar me vdekje 16 persona për vrasjen e një studenteje që u dogj për së gjalli pasi ajo akuzoi një mësues për ngacmim seksual.
Vendimi nga gjykata speciale erdhi gjashtë muaj pas vrasjes së 19-vjeçares Nusrat Jahan Rafi.
E reja kishte vdekur nga plagët e djegies dhe pasi kishte refuzuar të tërheqë një ankesë që kishte bërë në polici pas ngacmimit seksual që iu bë në shkollën ku po mësonte.
Hafez Ahmed, prokurori kryesor në këtë rast, mbrojti verdiktin duke thënë se kjo vërteton që askush nuk mund të shpëtonte për një krim të tillë. Mahmudul Hasan Noman, vëllai i viktimës, tha që ishte i lumtur që po e sheh drejtësinë në vend.
“Të gjithë morën pjesë në vrasje. Tani ata duhet të përballen me pasojat,” tha ai. Siraj Ud Doula, mësues në shkollën ku e ndjera ishte duke kryer mësimet, është një ndër 16 të dënuarit me vdekje. Ai mohoi përfshirjen në vrasje, por 12 prej të dyshuarve kishin rrëfyer për krimin e iniciuar prej tij. /tesheshi.com/
