Raportet Ankara – Athinë janë tensionuar sërish pas aktit të djegies së flamurit turk në kryeqytetin grek, gjatë një manifestimi me tipare raciste. Diplomacia e Ankarasë ka reaguar ashpër duke kërkuar nga autoritetet greke dënimin e aktit, arrestimin e autorëve dhe ndëshkimin e tyre.
Por njëherësh, i ka bërë thirrje presidentit Prokopis Pavlopulos që të përmbahet nga deklarimet që mund të nxisin tensione. Fjala është mbi shprehjen e kreut të shtetit grek të ambicieve territoriale.”
“Ne ftojmë Presidentin Pavlopulos të respektojë të drejtën ndërkombëtare dhe të përmbahet nga një retorikë e cila nuk është e përshtatshme për pozitën e tij dhe që mund të shkaktojë tensione të panevojshme”, thuhet në deklaratën e Ministrisë së Jashtme turke.
Tensionet në marrëdhëniet turko-greke janë rikthyer kohët e fundit për shkak të pretendimeve mni ishujt Kardak në Egje, por dhe pas arrestimit të dy ushtarëve grekë të cilët kishin kaluar në territorin turk, të dyshuar si me mision spiunazhi. /tesheshi.com/
