Donald Trump ka planifikuar që të kryejë një volum shumë të madh investimesh në indrastrukturën e Shteteve të Bashkuara, duke përdorur në gjysmën e tyre paratë e privatëve: me PPP-nw e famshme, pra Partneritetin Publik Privat, për të cilin Edi Rama tek ne ballafaqohet me akuza nga opozita, e kritika nga zëra të tjerë publikë.
Këtë e bën të ditur New York Times në artikullin e saj qëndror mbi planin e lançuar nga Presidenti amerikan.
Bëhet fjalë për planin “Rebuild America” që përfshin një investim më të madh se 200 miliard dollarw, ku do të ndërtohen rryugë, tunele, aeroporte apo hekurudha.
Trump shpalli të hënën planin e tij të shumëpritur për përmirësimin e infrastrukturës së vendit. Ai e diskutoi nismën me zyrtarë lokalë dhe të shteteve.
Plani synon t’i shndërrojë fondet federale prej 200 miliardë dollarësh në një investim prej 1,5 trilion dollarësh, për riparimin e rrugëve, urave, hekurudhave dhe objekteve të tjera të infrastrukturës amerikane.
Në një mesazh në Twitter, presidenti Trump tha se “kjo do të jetë një javë e rëndësishme për infrastrukturën. Pas shpenzimit me budallallëk prej 7 trilionë dollarësh në Lindjen e Mesme, tani është koha që të fillojmë të investojmë në vendin tonë!”
Në takimin me zyrtarët nga i gjithë vendi në Shtëpinë e Bardhë, Trump tha se shpenzimet ushtarake në Lindjen e Mesme e kishin lënë rajonin “më keq se sa ishte para 17 vjetësh kur ne hymë aty”. “Ne do të ndërtojmë. Do të mirëmbajmë. Rrugët tona janë në gjendje të keqe. Ne do t’i modernizojmë”, tha Trump.
Ai premtoi se procesi për lejet për ndërtimin do të reduktohej “nga 10 vjet në dy vjet, ose ndoshta një vit. Uashingtoni do të jetë partneri juaj”.
Elliott Sclar, profesor i planifikimit urban dhe çështjeve ndërkombëtare në Columbia University, tha për New York Times se një pjesë të madhe të këtyre investimeve do të kryhen në partneritet me sektorin privat.
“Në vend të sektorit publik që vendos për nevojat publike dhe prioritetet publike, projektet më tërheqëse do të kryhen nga investitorët private”, tha ai, i cili shtoi: “Investitorët privatë do të bëhen katalizatori i mbylljes së punëve, sepse ata do të duan projekte që u japin fitim “.
Propozimet që synojnë t’i shërbejnë komuniteteve më të varfëra që kërkojnë më shumë para shtetërore dhe lokale, duke përfshirë përmirësimin e ujit të pijshëm në një vend si Flint, Mich. Mund t’u jepet investitorëve më të vegjël.
Por kjo nismë ka shkakttuar debate në media dhe publik. “Një korporatë private ka thelbësore kërkesën për fitim. Qeveria duhet të sigurojë një shërbim publik”, tha Sclar.
Plani i presidentit e rishikon rolin e qeverisë federale si një aktor kryesor në projektet e reja të infrastrukturës të vendit.
Gjysma prej 200 miliardë dollarësh premtuar mbi 10 vjet do të përdoren për stimuj për të nxitur kontribute edhe më të mëdha nga shtetet, lokalitetet dhe sektori privat.
Trump gjithashtu dëshiron të përshpejtojë procesin e miratimit.
Buxheti i Shtëpisë së Bardhë u jep agjencive federale autoritetin për të shitur asetet që do të menaxhoheshin më mirë nga entitetet shtetërore, lokale apo private si ta shikonin vetë këto ente. /tesheshi.com/
