Gazeta e përditshme Dnevnik shkruan se partia e re UNITETI e cila doli nga BDI-ja, është truk midis bashkëpunëtorëve më të ngushtë liderit Ali Ahmeti dhe Gëzim Ostreni, kryetar i kësaj force politike. Dhe nëpërmjet kësaj levizjeje, siç aludon gazeta në fjalë, qëllimi i Ahmetit ka qenë që të testojë lojalitetin e funksionarëve ndaj partisë dhe politikave të BDI-së.
Por nga UNITETI është demantuar çfarëdo lloj loje midis kretarit Ostreni dhe Ali Ahmetit, ish-mik dhe bashkëpunëtor i tij i ngushtë në parti.
Menjëherë pas formimit të UNITETI-it u hidh në opinion teza se partia e re është pjesë e strategjisë së BDI-së për votat e qytetarëve të pakënaqur që të mos përfundojnë te partitë opozitare, por te UNITETI, e cila do të bashkohet me BDI-në.
Por dhe këtë hamendësim, UNITETI e ka hedhur poshtë: “Propagandë e BDI-së janë të gjitha informacionet që deri më tani janë plasuar kundër UNITETI-it. Ne jemi e kundërta e tyre dhe jo rastësisht në të gjitha paraqitjet publike kërkojmë që prokuroria speciale të hetojë të gjitha krimet dhe korrupsionin e funksionarëve të BDI-së.”, deklaroi Zulfi Adili, një prej zyrtarëve të lartë të partisë së re të dalë prej BDI-së.
