Nga Blendi Gashi
Gjuha e shfaqur së fundi në politikën kosovare nga burra që fyejnë gratë, siç ishte rasti me ish-Avokatin e Popullit, tashmë eksponent i VV-së, Sami Kurteshi, i cili quajti “lopë” dhe “hijenë” ministren e Drejtësisë Dhurata Hoxha, ka nxjerrë në pah dhe një standart te dyfishta, në disa raste nga vetë gratë dhe në lidhje me gratë.
“Seksi i dobët”, siç quhet ndryshe, nuk shfaqet aq parimor, që, kur fyer një pjesëtare e komunitetit të saj, të reagojë pa përfillur pozivionet politike.
Më konkretisht, deputetë të VV-së, si Albulena Haxhiu e Rexhep Selimi kanë shprehur haptaz mospajtimin e tyre me gjuhën e përdorur nga Kurteshi, por shtrojnë pyetjen pse gratë e PDK-së nuk reaguan edhe për raste të tjera kur u fyen rëndë bashkëpartiake të tyre dhe kolege të tyre opozitare.
Ndërkohë, gjatë seancës të së premtes, sërish pati një duel burrë – grua në parlament, ku një drejtues shoqate veteranësh iu hakërrye deputetes Aida Derguti me shprehje të rënda burrash.
Lista e gjuhës së rëndë të burrave
Tesheshi.com evidenton edhe një herë ata burra në politikë që përdorën gjuhë fyese ndaj kolegeve gra, edhe pse pagën e marrin për të tjera kontribute që duhet të japin.
Sami Kruteshi e quajti “lope” dhe “hijenë” ministren Dhurata Hoxha.
Kadri Veseli në një nga seancat plenare i tha deputetes Haxhiu “ma honksh…”
Ish-ministri Bajram Rexhepi e qujti “sorrë” Albulena Haxhiun.
Adem Grabovci e Bekim Haxhiu në përgjimet “Pronto” e quajtën “idiote”
Kryeministri Isa Mustafa i quajti gratë e shoqërisë civile si qenie që “kullosin”.
Zv.ministri Bajram Gecaj e quajti “qurë” Donika Kadaj-Bujupin.
/tesheshi.com/
