Edhe pse kjo e martë nuk ka patur asnjë zhvillim politik për ç’shkak do të duhej të bëheshin deklarata e mbaheshin qëndrime, kreu i PD-së është kujdesuar që të mos e lërë tërësisht bosh. Basha ka përcjellë një mesazh të ashpër anti-qeveri, duke e patur që në fjalinë e parë kryefjalën e akuzave ndaj kundërshtarit:
“Politika e Edi Rames eshte krimi dhe droga”, e nis kryedemokrati, për të vijuar më tej: “Eshte politika e tij qe ka cuar 30 mije biznese drejt falimentimit, mbylljes se mijera vendeve te punes, rritjen e cmimeve dhe zhytjen e shqiptareve ne varferi. Politika e Rames beri qe 30% e familjeve shqiptare nuk sigurojne dot buken e femijeve, 39% e shqiptareve nuk paguajne dot faturen e dritave dhe ujit, 43% e familjeve nuk sigurojne dot ngrohjen për femijet”.
Më pas, Basha i ka kushtuar ca radhë edhe personazhit kryesor të këtyre ditëve:
“Beteja jone per dekriminalizimin e shtetit, per venien para drejtesise te Saimir Tahirit si mbeshtetesi dhe perfituesi i trafikut te droges eshte sot beteja me jetike per shqiptaret”, shkruan ndër të tjera kreu i PDE-së Basha. /tesheshi.com/
