Limonët janë një asortiment shumë i rëndësishëm në kuzhinë për secilën amvisë.
Ata i japin shumë shije dhe dekor pjatave apo pijeve të ndryshme. Por, nëse i lini disa ditë në ambient të hapur, ata humbasin vlerat e tyre ushqyese, fillojnë të zbuten ose vyshken.
Ekspertët japin disa këshilla se si ta mirëmbani këtë frut që përdoret në shumë receta e pije.
Ambienti më i përshtatshëm për limonët është ambienti i ftohtë.
Pra, është mirë që limonët t’i ruani në frigorifer dhe brenda një ene të qelqtë në formë ovale.
Ena shërben për ta ruajtur limonin në mënyrë hermetike që të mos ketë kontakt me ajrin, pasi ky i fundit shkakton vyshkje.
Një tjetër këshillë e vlefshme që vjen nga ekspertët është që përpara se t’i shtrydhim limonët duhet t’i lëmë në temperaturën e dhomës e t’i rrotullojmë në banak në mënyrë që të përfitojmë sasinë maksimale të lëngut të tyre. /tesheshi.com/
