Ndërkohë që muaji i Ramazanit ka ditë që ka nisur dhe është duke përfunduar, të gjithë besimtarët që agjërojnë thuajse e kanë mësuar trupin e tyre me regjimin e ushqimit që ndiqet gjatë kësaj periudhe. Më poshtë gjenden disa këshilla të thjeshta për tu ushqyer gjatë kësaj periudhe, për këto pak ditë që kanë ngelur.
Cilat janë ushqimet të cilat këshilloni për iftar?
Në ditët e nxehta të verës pas një kohe të gjatë agjërimi në iftar në vend të një supe të ngrohtë mund të hani një supë me kos dhe grurë e cila mbron sistemin e tretjes dhe është e dobishme në parandalimin e shqetësimeve të stomakut. Kompostot e përgatitura me fruta të thata duhet të zënë vend në tavolinën e iftarit për të përballuar nevojën për lëngje.
Çfarë të gatuajmë si gjellë kryesore?
Të preferohen gjellët me copa mishi. Përveç konsumimit të mishit duhet të vlerësohen dhe zarzavatet, gjellët me zarzavate, sallatat e ndryshme. Në tryezë duhet të ketë dhe gjellë me zarzavate të gatuara me vaj ulliri. Le t’i zbukurojmë tryezat me sallata jeshile në një stinë të pasur me zarzavate si domatja, kastraveci etj.
Çfarë vaji të përdorim në gjellë? Në ç’masë duhet ta përdorim?
Të preferohet vaji i ullirit por le të mos kalojmë kufijtë duke thënë se “vaji i ullirit është i dobishëm”. Nuk duhet të harrojmë se në 1 gr ka 9 kalori ndërsa në një lugë të vogël vaj ulliri ka 45 kalori. Tryezat duhet të jenë sa më të thjeshta dhe jo të rënduara në mënyrë që të mos keni probleme gazi pas iftarit dhe të bëni një gjumë të qetë. /tesheshi.com/
