Përdorimi i erëzave në gatim është një armë e fortë për të rritur cilësinë dhe vlerat ushqyese të tij dhe jo vetëm, është një mënyrë e mirë për të ulur nevojën e përdorimit të kripes. Dietologia Blerina Bombaj jep disa këshilla se si mund të bëheni më kreativ në kuzhinë me përdorimin e erëzave:
- Borziloku: Përdoreni në salca, perime, pjata me vezë dhe sallata.
- Dafina: Vendoseni për të dhënë aromë në supa dhe gjellë.
- Speci i kuq Kajen: Ju jep mundësinë të bëni më pikante perimet, mishin, vezët, gjellët dhe salcat.
- Koriander: Shtojeni te drithërat si orizi dhe te recetat meksikane.
- Kanella: Kombinojeni me fruta, drithëra të gatuar si tërshëra ose tosti me vezë.
- Kumeli (qimnon): Shkon në ë drithëra, qiqra, patate, perime, mish pule dhe peshk.
- Pluhuri kerri: Kombinojeni me perime, pule dhe mish.
- Kopër: Shkon shumë mirë me peshk, kastraveca, kos, lakër të bardhë dhe vezë.
- Hudhër: Përdoreni me perime, në salca dhe supa.
- Xhinxher: Shtojeni në perimet e tiganit, ne supa dhe sallata.
- Rigoni: Vendoseni në salca, perime, drithëra të gatuar, mish dhe pulë.
- Paprika (speci i kuq i ëmbël): Përdoreni në supa, gjelle, fasule, peshk, mish dhe pulë.
- Majdanozi: Zë vend shumë mirë si garnityrë në supa, gjellë, sallata dhe perime.
- Rozmarina: Vendoseni në pjekjen e perimeve, kërpudhave, tuberëve, mishit dhe pulës.
- Sherebela: Shkon shume me perimet e dimrit, supat dhe mishin e pulës.
- Turmerik: përdoreni te orizi, puretë, supat dhe salcat.
