Të punuarit nga shtëpia është një prej formave më të mira për të balancuar jetën personale me atë profesionale.
Edhe pse të punuarit në skuadër dhe në një ambient zyre mund të funksionojë për punë të madhe ekipore, shumë mund të japin më të mirën duke punuar nga shtëpia.
Kjo është më e kërkueshme sidomos për personat që janë familjarë dhe kanë orare fleksibile.
Më poshtë do të njiheni me disa arsye të cilat do t’ju bëjnë të kuptoni nëse të punuarit nga shtëpia mund të jetë edhe zgjedhja që mund të funksionojë më mirë edhe për ju:
Bizneset që ofrojnë mundësinë për të punuar nga shtëpia drejtohen nga gratë dhe kanë një super-kulturë kompanie në krahasim me të tjerat.
Janë nënat ato që e gjejnë veten më së miri në detyra që ndahen ndërmjet familjes dhe punës. Prandaj kjo është edhe një zgjidhje ideale për to, sepse në këtë mënyrë, ato arrijnë që të balancojnë një pjesë të madhe të përgjegjësive, pa krijuar mungesa në asnjërën në asnjërin front.
Drejtorët e bizneseve me punonjës të cilët punojnë nga shtëpia, janë krejtësisht ndryshe nga ata të bizneseve tradicionale.
Një tjetër element i rëndësishëm i të punuarit nga shtëpia është se drejtimi i punës nuk bazohet nën komandat e rrepta të drejtorit tradicional. Drejtuesit e këtyre kompanive nuk shpenzojnë pjesën më të madhe të kohës në zyrë, nuk kanë veshjen tipike me kostum e as pamjen e një drejtuesi tradicional.
Fenomeni “punë nga shtëpia”, gjithnjë në rritje
Sipas studimeve të fundit, ky trend ka shënuar rritje gjatë periudhës dekadës së fundit. Referuar të dhënave të publikuara nga Global Workplace Analytics, të punuarit nga shtëpia për shembull në fushën e telekomunikacionit ka shënuar një rritje nga 9 për qind në 2007 në 43 për qind në 2017.
Avantazhet e të punuarit nga shtëpia janë të shumta
Kjo mundësi ka avantazhe të mëdha për prindërit me fëmijë të vegjël që e konsiderojnë punën në shtëpi si zgjidhjen e problemeve të tyre, duke marrë në konsideratë vështirësitë e shumta që ata hasin gjatë rikthimit në punë apo edhe humbjen e vendit të punës si pasojë e largimit.
Por të punuarit nga shtëpia nuk është avantazh vetëm për prindërit me fëmijë të vegjël, por edhe personave që kanë për t’u kujdesur për prindërit e moshuar, atyre që duan të qetësohen nga lodhja dhe stresi i madh, atyre që kanë probeme shëndetësore kronike, apo atyre që jetojnë në zona rurale. /tesheshi.com/
