Zgjedhjet e 6 tetorit në Kosovë, përveç rezultateve që ndryshuan kahjen e politikës, sollën edhe një dilemë që lidhet me procesin zgjedhor: A duhet t’i përcaktojë diaspora rezultatet e zgjedhjeve?
Në dy fotot e sjella nga Deutche Welle, mund të shihni rezultatet e votimit me postë, të diasporës kosovare në zgjedhjet parlamentare.
Numri i votuesve është jashtëzakonisht i vogël, krahasuar me numrin e kosovarëve që jetojnë jashtë Kosovës. Një numër shumë i madh i votave – më shumë se gjysma – është shpallur i pavlefshëm, për shkak ta mangësive të ndryshme.
Mendohet se vetëm në Gjermani jetojnë rreth 450.000 persona me origjinë nga Kosova, e të mos flasim për vende të tjera. Por mendohet se edhe ky numër kaq i vogël i votave, duke shtuar këtu edhe ata që kanë shkuar dhe votuar në Kosovë me 6 tetor, ka vendosur sipas të gjitha gjasave epilogun e zgjedhjeve.
Disa politikanë në Kosovë e kanë theksuar pikërisht këtë element – që diaspora vendosi zgjedhjet. Partia me më së shumti vota aktualisht, Vetëvendosje, ka kohë që pretendon se votat nga diaspora do të jenë ato që do ta përcaktojnë qeverinë e ardhshme. /tesheshi.com/
