Ende pa asnjë autor incidenti i rëndë, ku është djegur vetura familjare e ministrit të Bujqësisë së Kosovës, Memli Krasniqi.
Deri tani ende nuk ka ndonjë person të arrestuar lidhur me këtë rast.
Zëdhënësja rajonale e Komunës së Prishtinës, Flora Ahmeti, ka bërë të ditur se çdo moment po presin raportin, i cili tregon shkaqet se në çfarë mënyrë është djegur vetura.
Policia thekson në një komunikatë se “duke u gdhirë dita e sotme në orën 1:00 është hapur një rast asgjësimi apo dëmtim i pasurisë, i cili ka ndodhur në rrugën “Hajrulla Avdullahu” në Prishtinë, ku një veturë ngjyrë hiri e tipit Pasat, me targa të Republikës së Kosovës është djegur ndërsa një veturë tjetër e tipit RenoClio, e cila ka qenë e parkuar afër Pasatit, është dëmtuar. Policia ka bërë analizën e vendit të ngjarjes dhe është duke marr me detajet.
Nuk ka ndonjë person të arrestuar deri në këto momente. Vetura Pasat është e konfiskuar dhe ndodhet në oborrin e Policisë për ekzaminim të mëtejshëm. Në vend të ngjarjes kanë qenë të gjitha njësitet e nevojshme Policisë, si dhe zyrtari për hulumtimin e shkaqeve për zjarret që është në kuadër të Komunës së Prishtinës. /tesheshi.com/
