Një element i gjetur në çajin jeshil, ka treguar se është në gjendje të ndikojë në përmirësimin e kujtesës, kur bëhet fjalë për njerëzit e prekur nga sindroma Down.
Këtë e kanë pohuar mjekët, në një studim të botuar në ‘The Lancet Neurology”. Sipas një gjykimi klinik që ka zgjatur një vit, trajtimi i pacientit me çaj jeshil, ka sjellë përmirësim të cilësisë së tij të jetës dhe efekti pozitiv ka vijuar edhe për 6 muaj, pas përfundimit të ‘kurës’.
Skaneri i trurit ka treguar se një përbërës i quajtur epigallocatechin ka ndryshuar mënyrën se si qelizat e trurit lidhen njëra me tjetrën.
“Kjo është hera e parë që trajtimi na tregon se mund të jetë i dobishëm në përmirësimin e sjelljes së njerëzve me sindromën Down”-ka pohuar Prof. Mara Deierssen, pjesë e studimit dhe kërkuese në “Centre for Genomic Regulation” në Barcelonë.
Për të plotësuar, ajo pohon se çaji nuk mund të pretendohet të përdoret si kurë por vetëm si përmirësues i cilësisë së jetës. /tesheshi.com/
