Dick Marty, një figurë emblematike e post-luftës në Kosovë, zvicerani me akuzat e të cilit kanë shkuar pas hekurave ish-krerë të UÇK-së, ëshyë rikthyer sërish në vëmendje publike.
Jo për të famshëm “shtëpi të verdhë” në Mat, ku sipas tij UÇK-ja kishte një bazë ku kryente rrëmbim organesh(?!), por për faktin se si serbët e si shqiptarët, nuk po i dalin ashtu siç kishte menduar. Serbët e kanë zhgënjyer për keq, shqiptarët për mirë. Kjo ngase të parët e kanë kërcënuar, ndërsa të dytët, edhe pse të dëmtuar prej tij, jo.
Dick Marty u ka thënë së fundi mediave zvicerane se “serbët donin ta vrisnin dhe do të fajësonin shqiptarët për këtë”.
“E habitshme që nuk erdhi nga ata që unë akuzova, por erdhi nga kundërshtarët e tyre”, tha Marty.
Për këtë arsye, prej kohësh ai ruhet nga policia.
Thuhet se që nga dhjetori 2020, Dick Marty është vendosur nën mbrojtje të lartë policore, pasi është kërcënuar me vdekje nga elementë radikalë të shërbimeve të inteligjencës serbe. /tesheshi.com/
