Partia Socialiste ka reaguar menjëherë pas deklaratës së kreut të demokratëve, i cili tha se ditën e sotme 200 socialistë janë bashkuar me PD-në në Dibër.
Shtabi elektoral i PS-së, i rreshtuar në mbështetje të kandidatit socialist, Muharrem Ramës, thotë në një njoftim për mediat se asnjë anëtar i Partisë Socialiste nuk është larguar në drejtim të Partisë Demokratike dhe e gjitha është një shfaqje e shëmtuar me njerëz të importuar nga jashtë Dibrës, me synim dezinformimin e qytetarëve pak ditë përpara zgjedhjeve të 11 Shtatorit.
“Përdorimi i manovrave të tilla nga Partia Demokratike veçse fyejnë popullin dibran dhe nuk mund të kenë asnjë efekt elektoral. Përkundrazi, edhe fushata elektorale e ka provuar se kandidatura e doktor Muharem Ramës arrin të sigurojë mbështetje nga e majta dhe e djathta”, – thuhet ndër të tjera në deklaratë. /tesheshi.com/
