Katër vjet pas nisjes së dialogut me Serbinë dhe mos transparencës rreth këtij procesi opozita kosovare po kërkon hetim parlamentar për të gjitha marrëveshjet e nënshrkuara me palën serbe.
Kjo kërkesë është paraqitur nga deputeti i Lëvizjes Vetëvendosje, Xhelal Sveqla në tryezën që u mbajt të enjten me temë “E ardhmja e dialogut Kosovë-Serbi: perspektiva e qytetarëve” e organizuar Instituti Demokratik i Kosovës (KDI).
“Tashmë shteti i Kosovës s’mund të marr asnjë vendim të rëndësishëm për vetveten pa pajtim të plotë me Beogradin. Kemi një Lista Serbe e cila është dorë e zgjatur e Beogradit. Vetëvendosje ka thënë se duhet të kemi disa parakushte para se të fillojë dialogu. Është mirë të ketë një hetim parlamentar për të pasur një transparencë rreth dialogut të deritanishëm, për të ditur se cilat janë marrëveshjet e deri tanishme të zyrtarëve që përfaqësonte Kosovën në dialog me Serbinë”, tha ai.
Se nuk ka transparence lidhur me këto bisedime u shprehën edhe deputetët e mazhorancës dhe përfaqësuesit e shoqërisë civile.
Fatmir Xhelili, nga PDK, ka thënë se tema e dialogut është sfidë për Kosovën dhe kur bisedohet për këtë temë sipas tij duhet të kem parasysh produktet shumë relacionare mes Kosovës dhe Serbisë në cilindo prej marrëdhënieve.
“Qëllimi kryesor i dialogut është përfundimi final për njohjen e ndërsjella të Kosovës dhe Serbisë. Prej gjithë atyre marrëveshjeve që janë arrit natyrisht shumica janë në realizim e sipër ndër pengesat e realizimit duhet me pas parasysh disa faktor e por edhe ndihmën e BE ndaj nesh por edhe relacionet e shteteve të tjera duke përfshi këtu edhe SBBA në realicion me BE-në. Kuvendi i Kosovës është vendi i vetëm ku arrihet realizimi i marrëveshjeve ndërkombëtare”, ka thënë ai
Ahmet Isufi, deputet dhe shef i grupit parlamentar të AAK-së, tha se çdo qytetarë e ka përcjell dhe ka pasur reflektimet për dialogu mes Kosovës dhe Serbisë, ndërsa shtoi se duhet të ndryshohet formati i dialogut në mënyrë që të jetë më trasparenët.
“Konsiderojmë se duhet të ndryshohet formati i bisedimeve. Kërkojmë që të ketë po ashtu e dhe llogaridhënie për këto bisedime. Ne jemi për një dialog që është në të mirën e Kosovës dhe shtetit të saj. Duhet të ketë tutje transparencë e plotë lidhur me bisedimet e njëkohësisht t’i raportohet organit më të lartë të shtetit, Kuvendit të Kosovës për çdo marrëveshje të mundshme për diskutim paraprak”, tha Isufi.
Ai tha se në dialogun dypalësh nuk u diskutua edhe për disa tema të rëndësishmesh për Kosovën.
“Nuk u diskutuar për fondet e grabitura nga Serbia e të gjitha dëmet që janë shkaktua nga ta. Njëkohësisht edhe diplomat nuk janë pranuar ashtu siç ka qenë marrëveshja. E po ashtu dhe çështjet tjera që janë arritur në marrëveshje mes Kosovës e Serbisë”, tha Isufi.
Kurse Jeta Krasniqi, nga KDI, tha se diskutimet me qytetarët janë të nevojshme për të kuptuar edhe për çështjen e kufirit në Preshevë. /tesheshi.com/
