Deputetja e Kuvendit të Kosovës nga radhët e Alternativës, Mimoza Kusari-Lila ka thënë se integriteti territorial i vendit nuk mund të relativizohet në suaza të ndryshimeve të administratave të shteteve tjera, mike ose jo të Kosovës.
Ajo përmes një postimi në Facebook, u ka bërë thirrje partive politike që të ulën dhe të vendosin për kriteret e platformës për bisedimet finale me Serbinë.
“Integriteti territorial dhe sovranitetit i Kosovës janë vula e ekzistencës së shtetit të Kosovës, është interesi primar i Kosovës dhe pa to nuk ka më Kosovë. Iu bëj thirrje të gjitha palëve, partive politike Parlamentare, të ulemi dhe të vendosim për kriteret e Platformës së bisedimeve finale me Serbinë. Presidenti i zgjedhur nga Kuvendi dhe i vetë liruar nga çfarëdo përgjegjësie ndaj Kuvendit, duhet të ndalet nga takimet pa agjendë publike dhe pa vija të përcaktuara. Kosova e ka momentin final të përcaktimit të ardhmes së saj si shtet në këto javë dhe muaj dhe nuk mundet askush tani të jap vetes të drejtën të luaj në ‘kockë’ fatin e saj”, shkruan Kusari-Lila në Facebook.
Përkundër këtyre thirrjeve të opozitarëve, presidenti Thaçi brenda javësh pritet të zhvillojë takimin e radhës në Bruksel me homologun serbë Vuçiç. /tesheshi.com/
