Themeluesi i Wikileaks, Julian Asange po vuan pasojat e “torturës psikologjike” të bërë kundër tij nga mediat, gjykatat dhe figurat e larta politike.
Ky është mendimi i një raportuesi special të OKB-së, i cili vizitoi Assange në burgun e sigurisë së lartë në Londër.
Nils Meizer, roli i të cilit është investigimi i rasteve të dyshuara të torturës në burgje, tha se Assange është me shëndet aspak të mirë.
“Është mjaft e qartë se shëndeti i z. Assange është cenuar seriozisht nga mjedisi tejet armiqësor dhe arbitrar në të cilin ka qenë i ekspozuar për shumë vite”, tha Melzer.
“Përveç sëmundjeve fizike, Assange tregoi të gjitha simptomat tipike të ekspozimit të zgjatur të torturës psikologjike, duke përfshirë stresin ekstrem, ankthin kronik dhe traumë intensive psikologjike”.
Shtetet e Bashkuara po kërkojnë ekstradimin e Assange, i cili u largua me forcë nga ambasada ekuadoriane e Londrës më 11 prill. Largimi i tij erdhi pasi azili i tij prej shtatë vitesh iu revokua.
Ai akuzohet për një nga rrjedhjet të mëdha të informacioneve sekrete në historinë e SHBA-ve. /tesheshi.com/
