LSI ka shprehur mbështetje ndaj asaj ëfarë ndodhi në Rrugën e Kombit, ku një protestë kundër pagesës së vënë për kalim degradoi në dhunë. Gruaja në krye të kësaj partie, Monika Kryemadhi e lexon këtë zhvillim si nisjen e fundit të Ramës duke mos shprehur asnjë kundërshti ndaj asaj që ka ndodhur
“Sot qytetarët e Kukësit dëshmuan qartas se fatet e një kombi nuk mund të jenë kurrsesi pjesë e lojërave perverse të një kryeministri të papërgjegjshëm.
Ata që kanë humbur besimin te drejtimi i qeverisë, tek ekonomia që po shkatërrohet sepse Edi Rama do të kënaqë orekset e oligarkëve, sot janë shumica dhe me të fortë se kurrë.
Revolta e tyre në Kukës është shenjë e qartë e fillimit të fundit për një qeveri që ka humbur besimin dhe mbështetjen, që po rrënon çdo ditë familjet shqiptare dhe që ndoshta sot mund të kuptojë që revolta ka qenë dhe mbetet fundi i çdo regjimi që sundon me dorën e krimit dhe korrupsionit”, shprehet Kryemadhi.
Ironia në rastin e saj është se pagesa e rrugës është pëërgatitur si projekt nga dy ish-ministra të LSI-së. /tesheshi.com/
