Protestat më të fundit në Paris, ato të jelekverdhëve që kundërshtojnë rritjen e çmimit të karburanteve fosile, të përqëndruar në zemër të kryeqytetit, te zona më historike, Harku i Triumfit, janë shoqëruar me vandalizma që sipas përllogaritjeve të fundit i kalojnë 1 milion eurot.
Shkatërrime dhe plaçkitje – që në fakt nuk janë hera e parë që ndodhin në atë që konsiderohet si kryeqendra e mendimit dhe kulturës europiane. Duket sikur francezët paguajnë herëpashere e në kohë të ndryshme, dhunën me të cilën i dhuruan botës të famshmin Revolucion Borgjez.
Dëmtimet te Harku i Triumfit të shkaktuara gjatë protestës së jelekverdhëve do të kushtojë disa qindra mijëra euro, ndoshta 1 milion euro – tha presidenti i Qendrës për Monumenteve Kombëtare, Philippe Belaval, të dielën për të përditshmen Le Figaro, duke e quajtur dhunën si “të paparë”.
“Monumenti do të mbetet i mbyllur për publikun për disa ditë”, shtoi ai duke renditur dëmtimet e shumta.
Harku i Truimfit u vizitua dhe nga presidenti Macron, që gjithashtu shfaqi pezmin e tij për atë që kish ndodhur e po ndodhte.
Vjedhjet dhe plaçkitjet, kanë qenë një tjetër aspekt dëshpërues i protestave.
Kujtojmë se në nisje të tyre afro dy javë më parë, jelekverdhët, ata të cilët fillimisht protestuan duke bllokuar rrugët, shënuan dhe një incident me natyrë anti-fetare. Ata rrethuan automjetin ku në timon ndodhej një grua me shami, duke i kërkuar asaj që ta hiqtë atë.
Kjo që po ndodh në Francë, posaçërisht në Paris tregon se civilizimi i pretenduar, dhe në zemrën e vet, është plot njolla. /tesheshi.com/
