Burimet pakistaneze bëjnë të ditur se një shpërthim në orët e para të mbrëmjes në Lahora ka lënë të vdekur së paku 50 persona, ndërsa mbi 100 të tjerë janë të lënduar.
Shpërthimi duket të ketë ndodhur nga një sulm kamikaz, por përgjegjësinë për të nuk e ka marrë ende askush.
Parku në qytetin në lindje të Pakistanit ka qenë i mbushur me njerëz në atë kohë, çka lë për të kuptuar se numri i viktimave mund të rritet me kalimin e orëve.
Ky shpërthim është kryer në hyrjen kryesore të parkut Gulshan-e-Ikbal, ku zakonisht qëndrojnë makinat, e fare pak vendit ku luajnë fëmijët.
Një zyrtar i lartë i policisë pakistaneze i deklaroi Reuters-it se shumica e të vdekurve dhe të plagosurve janë gra e fëmijë.
Lahora është kryeqyteti i Panxhabit, që ndryshe pjesës tjetër të Pakistanit, është prekur më pak nga ngjarje të tilla. /tesheshi.com/
