Sekretari amerikan i Shtetit Antony Blinken komentoi vizitën e tij në Kiev, duke thënë se përfaqësuesit e SHBA në një takim me zyrtarët ukrainas shprehën mbështetje për qeverinë dhe popujt ukrainas.
“Rusia vazhdon të përpiqet të brutalizojë disa pjesë të vendit. Vdekja dhe shkatërrimi që ne ende shohim janë të tmerrshme,” tha Blinken. Ai shtoi se pavarësisht kësaj, “ukrainasit ende qëndrojnë të patundur me mbështetjen që kemi koordinuar nga e gjithë bota.”
“Strategjia që kemi vendosur, me mbështetje të madhe për Ukrainën dhe presion të madh ndaj Rusisë… Solidariteti me më shumë se 30 vende të përfshira në këto përpjekje, po jep rezultate reale. Ne shohim se kur bëhet fjalë për qëllimet e luftës së Rusisë, Rusia po dështon, Ukraina po ia del”, përfundoi Blinken, shkruan The Guardian.
“Kreu i diplomacisë amerikane dhe Sekretari i Mbrojtjes, Lloyd Austin, premtuan kthimin e diplomatëve amerikanë në Ukrainë dhe raportuan për ndihmë financiare shtesë, duke theksuar betejën në Donbas”, tha një zyrtar i Departamentit të Shtetit.
Ata njoftuan kthimin e diplomatëve amerikanë nga Polonia, ku u transferuan në Ukrainë pas fillimit të pushtimit rus. /tesheshi.com/
