Një fotografi e publikuar në Facebook nga një kameriere kanadeze pasi kishte mbaruar turnin e saj në punë është bërë menjëherë virale. Vajza, Nicola Gavins, ka treguar një foto të këmbëve të saj të gjakosura në fund të një mbrëmje pune veshur me këpucë me taka.
E reja ka dashur të tregojë dhimbjen e përjetuar gjatë një dite normale pune, ku ka ecur për orë të tëra nga një tavolinë në tjetrën mbi këpucët aspak të rehatshme. Ndërkohë që shumë lokale apo restorante të tjera i këshillojn punëtorët e tyre të përdorin këpucë sa më të rehatshme, duke pasur parasysh se e gjithë puna bëhet në këmbë, rrjeti i restoranteve Joey Restaurants në Edmonton, kërkon përdorimin e takave për përmirësimin e imazhit të punëtorëve.
Mirëpo, për vetë punëtorët, sicc e tregon ky imazh, bëhet fjalë për një dhimbje të pafund, jo për një imazh të mirë. Zonja Gavins ka humbur një thua por nuk ka mundur të ndalojë së punuari pa mbaruar turnin, duke vijuar pa marrë parasysh dhimbjen, raporton Metro.uk. /tesheshi.com/
