Në një intervistë për Euroactiv, udhëheqësi demokrat Berisha zgjodhi Greqinë më shumë se sa Turqinë, në preferencat e tij politike.
Për Greqinë, Berisha tha se ajo ka bërë shumë për anëtarësimin e Shqipërisë në BE. Ndërsa për Turqinë tha se nuk ia pranon neootomanizmin
“Turqia është pa dyshim një mik, një partner, por me një doktrinë të neo-otomanizmit që unë nuk do ta pranoj,” tha ai
Më tej, ai sulmoi Ankaranë për prishjen e marrëveshjes detare me Greqinë.
“Turqia nuk ishte kurrë e interesuar për marrëveshjen e kufirit detar midis Shqipërisë dhe Greqisë dhe bëri një ndërhyrje vërtet të fortë kur ajo u nënshkrua”, tha Berisha.
Por kujtojmë se ajo u kontestua nga ushtarakë shqiptarë, siç Myslym Pashaj, duke bërë që PS ta çonte në Kushtetuese, e cila e rrëzoi si jo kushtetues marrëveshjen në fjalë.
“Partneri ynë, Greqia, në 30 vjet ishte shumë i dobishëm për Shqipërinë. Mbështeti rrugën e Shqipërisë drejt NATO-s dhe Europës, investim serioz në vend”, tha Berisha. /tesheshi.com/
