Vjedhja e arit dhe diamanteve në vlerë prej 40 milionë dollarë që ndodhi në aeroportin e Sao Paolos në Brazil mori vëmendje ndërkombëtare për shkak të nivelit të pabesueshëm të organizimit.
Por raportet e fundit flasin për një detaj të panjohur deri më tani, e që duket të ketë qenë vendimtar në këtë mes.
Departamenti për hetimin e krimit të organizuar pohoi së fundmi se e gjithë familja e një zyrtari të aeroportit ishte marrë peng nga hajdutët para këtij incidenti. Nga presioni, ai pastaj i kishte dhënë informacione grupit kriminal lidhur me mbi operacionet e brendshme të terminalit ku ndodhej ari dhe metalet e tjera të çmuara.
Kamerat e sigurisë në Brazil filmuan momentet dramatike të vjedhjes nga persona të armatosur të arit dhe metaleve të çmuara me vlerë 40 milionë dollarë në aeroportin e Sao Paulos më 25 korrik, por videoja e plotë u bë e qasshme më vonë. /tesheshi.com/
