Merkato e këtij viti ishte më e nxehtë se asnjëherë tjetër, por ja që disa futbollistë nuk arritën të shfrytëzojnë për t’u bërë me ndonjë skuadër të re. Tashmë duhet që ata të presin merkaton e janarit për të filluar një aventurë të re.
“Tesheshi.com” u sjell pesë futbollistë që mbetën pa skuadra:
1. Georgios Samaras
Sulmuesi i kombëtares greke nuk rinovoi kontratën me skuadrën e tij Ëest Bromëich duke tentuar të gjejë një skuadër të re, gjë të cilën nuk arriti ta bënte në këtë merkato.
2. Paulao
Ish-futbollisti i Real Betisit, shijoi një aventurë të re tek skuadra meksikane Aletico San Luis. Qëndrimi i tij në kampionatin meksikan të futbollit nuk ishte shumë i gjatë. Ai u nda me skuadrën e San Luis dhe tani ndodhet në kërkim të një skuadre të re.
3. Ron Vlaar
Mbrojtësi i përfaqësueses holandeze ka mbetur pa skuadër në këtë sezon, pasi u nda nga Aston Villa në kërkim të një skuadre më të mirë, por ja që mbeti fare pa skuadër.
4. Dmitris Salpingidis
Një tjetër lojtar i rëndësishëm i përfaqësueses greke ka mbetur pa skuadër. Pas ndarjes nga Paoku i Selanikit, 34 vjeçari Salpingidis mbeti pa skuadër, ndoshta edhe për shkak të moshës së tij.
5. Yoann Gourcuff
Futbollisti i cili konsiderohej si Zidane i ri, ka mbetur në shtëpi këtë sezon. Një lëndim i hershëm i pamundësoi kalimin tek skuadra e Stade Rennais, kështu që mesfushori francez do mbetet pa skuadër deri në edicionin e ardhshëm.
Bonus: Arlind Ajeti
Edhe mbrojtësi i përfaqësueses shqiptare, Arlind Ajeti ka mbetur pa skuadër këtë sezon. Por, paraqitjet fantastike të mbrojtësit shqiptar në duel me Danimarkën e sidomos me Portugalinë do jenë prova më e mirë se Ajeti do bëhet me skuadër të re në merkaton e janarit. /tesheshi.com/
