Interi ka fituar përballjen ndaj Milanit me rezultatin 3-2, në javën e 8-të në Serie A.
Derbi “della Madonnina” ishte thjesht spektakolar, me raste nga të dy anët dhe një atmosferë magjike nga tifozeria.
Shansi i parë në ndeshje i takoi Interit dhe Antonio Candrevas, i cili në minutën e 13-të goditi shtyllën, ndërsa pas dhjetë minutash shansin për të shënuar e pati edhe Miranda.
Në minutën e 28-të erdhi dhe goli i pare me autor Mauro Icardi. Argjentinasi realizoi golin e 7 në këtë sezon pas një assist të Candreva-s.
Fabio Borini rrezikoi dy herë radhazi në minutat e fundit të pjesës së parë, por Samir Handanoviç u tregua i shkathtë.
Në minutën e 55-të Mateo Musaçhios iu anulua një gol për pozicion jashtë loje, ndërsa pas 5 minutash Patrick Cutrone goditi shtyllën.
Në minutën e 56-të erdhi goli i barazimit nga Suso. Spanjolli me një gjuajtje mjeshtërore jashtë zonës mposhti portierin slloven.
Matias Vecio në minutën e 60-të kishte një shans të mirë për gol, por gjuajti jashtë. Ndërsa pas tre minutash erdhi dhe goli i dytë i Icardit në këtë takim.
Giacomo Bonaventura barazoi rezultatin në 2-2 në minutën e 82-të; italiani u fut nga plani i dytë dhe befasoi të gjithë në mbrojtjen zikaltër.
Në minutën e 87-të vendasit rrezikuan me anë të Eder, por kuqezinjtë shpëtojnë mrekullisht, pasi një nga mbrojtësit devijoi topin jashtë. Në minutën e 89-të Mauro Icardi kompletoi het-trikun nga pika e bardhë, pasi Danilo D’Ambrosio u ndal në mënyrë jo-sportive në zonë nga Ricardo Rodriguez.
Pas kësaj fitoreje Interi vazhdon në vendin e dytë me 22 pikë, dy më pak se Napoli në të parin. Ndërsa Milani renditet në të dhjetin me 12 pikë.
Ndeshja e ardhshme e Interit është ndaj Napolit, kurse Milani luan kundër Xhenovas. /tesheshi.com/
