Në pamundësi për të marrë pjesë në seancën gjyqësore te Pallati i Drejtësisë kundër deputetëve të opozitës, për shkak të lëndimeve në kokë që pësoi dje gjatë përleshjeve me sigurimin e Kuvendit, deputetja e VV-së Albulena Haxhiu është marrë në pyetje sot në spital ku po qëndron për të marrë trajtimin e duhur.
Këtë e ka kofirmuar prokurori Ilaz Beqiri i cili ka thënë se ka qenë në Klinikën e Neurologjisë për të marrë në pyetje deputeten Haxhiu.
Ndryshe, Rrjeti i Grupeve të Grave të Kosovës dënon për siç thuhet trajtimin e dyshimtë të deputetes Albulena Haxhiu nga anëtarët e Policisë së Kosovës gjatë dhe pas seancës parlamentare të 19 shkurtit 2016, dhe kërkon hetim të menjëhershëm të kushteve të arrestimit dhe trajtimit të saj nga anëtarët e Policisë së Kosovës.
RGGK beson se qëndrimi i saj në dhomën e trajtimit me anëtarë të Policisë së Kosovës dhe pa prezencën e anëtarëve të familjes nuk është i drejtë. /tesheshi.com/
