Duke parë se edhe pas ratifikimit të Demarkacionit, nuk ka një datë se kur mund të hiqen vizat për kosovarët, deputetja e Vetëvendosjes Drita Millaku mendon se Kosovës i është vënë edhe kushti tjetër që është formimi i Asociacionit të komunave me shumicë serbe.
“Krerët e shtetit e mashtruan popullin. Pasi thanë se kusht për liberalizimin e vizave është Demarkacioni, pas miratimit po del kushti tjetër formimi i Zajednices, dhe pas formimit të Zajednices del edhe ndonjë kusht tjerët deri sa ta lodhin popullin e ta bëjnë shtetin leckë”, shkruan Millaku në Facebook.
Ky reagim i saj vjen pasi të mërkurën, presidenti Thaçi dhe kryeministri Haradinaj u dakorduan për funksionalizimin e ekipit menaxhues për draftimin e Statutit të Asociacionit të komunave me shumicë serbe.
Kujtojmë se Lista Serbe i ka dhënë afat qeverisë së Kosovës që deri më 20 prill të formojë Asociacionit, në të kundërtën kanë paralajmëruar se do ta formojnë vet. /tesheshi.com/
