Ka mbërritur dhe reagimi i deputetes demokrate Orjola Pampuri ndaj ambasadorit Lu, pasi prej këtij të fundit iu citua emri si një kundërshtare e LGBT.
Znj. Pampuri i ka bërë një letër të hapur kreut të diplomacisë së Uashingtonit në Tiranë, ku sqaron pozitën e saj ndaj këtij komuniteti, çfarë mendon për e për vetë reagimin e ambasadorit Lu.
“Kryetarë bashkish të cilët kanë abuzuar me pushtetin, ish-ministra të cilët janë përfshirë në trafik kombëtar e ndërkombëtar droge, ish ministrat e koncensioneve korruptive, e trafikantë bashkëpunëtorë të qeverisë janë ende të pandëshkuar.
Kjo është çështja Mr. Lu, nuk janë LGBT, ata nuk janë as të sëmurë, as të paaftë për të punuar, e as nuk janë diskriminuar kurrë për të përfituar projekte pafund, si asnjë kategori tjetër.
Unë në profesionin tim jam Psikologe Klinike, e në zyrën time kam këshilluar disa prej tyre, sigurisht në atë zyrë askush nuk paragjykohet e nuk diskriminohet, pasi është profesioni i tillë i cili ‘te zhvesh’ nga cdo lloj paragjykimi.
Shkolla, formimi, profili e profesioni me nxisin të mos diskriminoj, ashtu sikurse kam bërë edhe një vit më parë duke folur nën petkun e psikologes e cila respekton të drejtën e cdo komuniteti për të jetuar në mënyrën që ai zgjedh.
Nuk diskriminoj askënd. Në këtë botë cdo njeri ka të drejtë të bëjë jetën e tij, në mënyrën që ai zgjedh ta bëjë atë, por pa imponuar askënd për të pranuar me pahir këtë zgjedhje”, shkruan ndër të tjera deputetja demokrate. /tesheshi.com/
