Deputeti i Vetëvendosjes, Adem Mikullovci përmes disa vargjeve të shkrimtarit Fan Noli ja ka kutjuar kryeministrit Ramush Haradinaj ndërrimin e qendrimit për Demarkacionit të kufirit me Malin e Zi.
“Para 90 viteve Ramush, Noli i shkrujti do vargje që thuhet i ka shkruar për ty, ‘vendi dridhej ai mbeti se nuk trembej nga tërmeti, thonë ushtria thonë u vra po t’i nuk vdiqe or baba’, shumë herë prita me ra qeveria jote Ramush po nuk ra, deputetë serbë thanë se po tërhiqem nga koalicioni PAN, thash ra Ramushi po t’i nuk re. O Ramush ta fali që e t’hollove buxhetin e Kosovës, që e emërove një batalion zv.ministra e këshilltarë, po nuk ta fali kurrë që e ndërrove qëndrimin për Demarkacionin me Malin e Zi, sa ishe opozitë i gjuajte hartat dhe bërtite ‘ky kufi nuk bën të votohet’, por sa u bone kryeministër i ktheve ato harta, VV nuk e votoi por e ruajti fytyrën e vet, Kosova humbi 8000 hektarë. Thuaj atyre 8 deputetëve që të bënë kryeministër ja kur keni votën po jep dorëheqje Ramush është për të mirën e Kosovës dhe për të mirën tënde”, tha Mikullovci.
Kryeministri Haradinaj u kundërpërgjigj duke i thënë se se marrëveshja e miratuar në Kuvend mundëson korrigjimin e Demarkacionit.
“I dashur Adem, para do dite kemi pas 3 aksione që i qon një qeveri një tjetrës që e informon për marrëveshjen për kufi, opsioni i parë se jemi të gatshëm për korrigjim i ka shkuar Malit të Zi”, tha Haradinaj.
Kujtojmë se ditë më parë Haraidnaj e njoftoi zyrtarisht Malin e Zi për miratimin e Demarkacionit dhe tha se pret që të nis korrigjimi pa dhënë një afat të mundshëm. /tesheshi.com/
