Deputeti i LDK-së, Haxhi Avdyli, ka vendosur që në prag të festës së Bajramit pagën e tij si deputet i Kuvendit të Kosovës t`ua dhurojë familjeve në nevojë.
Konrektisht 1300 eurot do t’iu ndahen 20 familjeve, ndërsa 500 euro një tjetre që është duke ndërtuar shtëpinë.
“Dje ishte dita kur më doli paga e parë e deputetit prej 1300 €. Sot, në vigjilje edhe të festës së Kurban Bajramit kam vendosur që kjo pagë t´ju kthehet qytetarëve në nevojë.
Në konsultim me Petrit O. Hoxhaj dhe Artan Hoxha kemi identifikuar një familje me ardhura të pakta, e cili ka në proçes ndërtimin e shtëpisë. Kjo familje do të përfitojë 500 €. Shuma e mbetur do ndahet për 19 familje të perzgjedhura me kujdes, nga 20 deri 50€. Për shkak të diskrecionit nuk do postoj as emra as foto dhe nuk do ia dorëzoj asnjërit shumën personalisht, por permes miqve të lartpërmendur. Urime ju qoftë Kurban Bajrami këtyre familjeve dhe të gjithë qytetarëve të Kosovës”, ka shkruar Avdyli në Facebook. /tesheshi.com/
