Deputeti i Parlamentit të Kosovës Gëzim Kelmendi, shpalli pak më parë me anë të një postimi në FB largimin e tij nga Partia e Drejtësisë, ku aderonte prej vitesh. E njohur si një forcë politike me backround fetar, e drejtuar një doktor Ferit Agani, aktualisht ministër i Mjedisit, kjo parti ka patur rrjedhje kohët e fundit, por vetëm brenda suazave parlamentare. Largimi i deputetit Kalmendi vjen pas disa mospajtimeve të tij me vijën e qëndrimeve politike. Së bashku me të, janë dhe disa eksponentë të tjerë, siç sqarohet në shënimin e mëposhtëm të Kelmendit në faqen e tij në FB:
Dorëheqje nga Partia e Drejtësisë,
Të nderuar qytetarë,ju njoftojmë se unë ,
Gëzim Kelmendi- nënkryetar i PD dhe Kryetar i degës së PD në Pejë,
Vehbi Berisha-anëtar i Kryesisë së PD ,
Myhedin Sylqa-anëtar i Kryesisë së PD,
Berat Dajaku-anëtar i Kryesisë së PD dhe Kryetar i degës së PD në Skënderaj,
Nasuf Gashi -Kryetar i degës së PD në Drenas,
dhe komplet degët:
1.Dega e PD në Pejë,
2.Dega e PD në Drenas,
3.Dega e PD në Skënderaj,
japim dorëheqjen ( largohemi) nga të gjitha funksionet në Partinë e Drejtësisë.
Arsyet e dorëheqjes tonë janë të shumta,por nuk janë të panjohura për ju.
Tradhëtia dhe mashtrimi i vazhdueshëm i votuesve të PD në veçanti dhe qytetarëve të Kosovës në përgjithësi,lakmia dhe uria për pushtet,shkelja e parimeve për interesa përsonale dhe për përfitime të ndryshme nga ana e Partisë së Drejtësisë,na bëjnë neve që të largohemi nga Partia e Drejtësisë.
Me respekt,
Gëzim Kelmendi,
Deputet i pavarur i Kuvendit të Kosovës
