Deputetët e Kuvendit të Kosovës nuk ua kanë besuar pozitën e Avokatit të Popullit, katër kandidatëve për këtë pozitë.
Kandidatë në raundin e parë për Avokatin e Popullit ishin Mazllum Baraliu, Shqipe Ibra-Malaj, Veton Vula dhe Suzan Novoberdaliu.
Kurse, në të dytin mbetem Veton Vula, mori 44 vota dhe Shqipe Ibra-Malaj, e cila mori 34 vota.
Ndërkohë, në raundin e tretë Veton Vula, fitoi 49 vota, duke mos arritur t’i marr 61 votat e kërkuara sipas ligjit për Avokatin e Popullit. Përndryshe, konkursi për Avokatin e Popullit sërish do të përsëritet.
Për t’u bërë Avokat i Popullit, kandidati duhej të fitonte së paku 61 vota, pra një më shumë se gjysma e numrit të përgjithshëm të deputetëve të Kuvendit të Kosovës.
Pas këtij dështimi, tani duhet të shpallet konkurs i ri për Avokat të Popullit. /tesheshi.com/
