Ndalimi dhe më pas deportimi i 6 shtetasve turq nga Kosova, të akuzuar nga shteti i tyre për implikim me Levizjen Gylen të cilën Ankaraja e ka shpallur si terroriste, ka detyruar kryeministrin Haradinaj që të mbledhë Këshillin e Sigurisë.
Pas mbledhjes, ai sërish ka shfaqur bindjen e tij se shkarkimi i ministrit të Brendshëm Sefaj e atij të Inteligjencës Gashi, ka qenë i drejtë. Sipas Haradinajt, ka qenë e papranueshme që ai të mos informohet për çfarë ndodhi.
“Flamur Sefaj e ka pasë shkresën që nga dita e premte e javës së kaluar që shtetasit turq do të arrestoheshin”, tha Haradinaj
Shefi i qeverisë së Kosovës tha se ka kërkuar një hetim për ndalimin dhe deportimit, e fshehtë sipas tij të gjashtë shtetasve turq. /tesheshi.com/
