Drejtësia shqiptare ka shënuar një tjetër rast të diskutueshëm ndëshkimi, duke dhënë vetëm katër vite burg për një vrasës në timon.
Fjala është për Behar Pemën, i cili, shtatorin e kaluar, në gjendje të dehur, morri përpara në shpejtësi sketerrë një Golf ku ndodheshin katër vajza të reja, ku dy prej tyre ndërruan jetë. Ngjarja ndodhi në dalje të tunelit të Elbasanit, ku viktimat po udhëtonin drejt Korçës për një ditëlindje.
Lusinda Garunja dhe Zheneta Qellia, që të dyja mes 19 dhe 20 vjeçem ishin jetëhumburat e aksidentit, ndërsa Denisa Dibra, 25 vjeçe dhe Nervina Garunja, 24 vjeçe, mbetën të plagosura.
Për këtë llahtarë, autori ka marrë vetëm 4 vite burg nga Gjykata e Elbasanit.
Kjo ka çuar në reagimin e menjëherëshëm të nënës së një prej viktimave, Remzie Garunja, e cila shkroi: “Jam shumë e indinjuar dhe e mërzitur me vendimin që u dha dje në gjykatën e Elbasanit, unë ia lash drejtësisë në dorë , por jeta e vajzës sonë ka vjetur vetëm 4 vite. Jam shumë e mërzitur me dënimin, nuk kam fjalë, na i vranë vajzat për herë të dytë”.
Po kush janë dhënësit e këtij verdikti?
Prokuror ka qenë Binas Nina, i cili ka kërkuar vetëm 6 vite burg, me argumentin e palët përfaqësuese të viktimave dhe autorit kanë normalizuar marrëdhëniet.
Ndërsa gjyqtarja Miranda Konica në këtë rast ka pranuar kërkesën e prokurorit, duke e dënuar Pemën me 6 vjet burg, por për shkak të aplikimit të gjykimit të shkurtuar, është dënuar përfundimisht me 4 vite.
Ky është i disati rast kohët e fundit, ku vrasësit në timon ia hedhin ndëshkimit, deri duke i shpëtuar burgut, prej vendimeve të gjykatave deri në kufijtë e skandalit. /tesheshi.com/
