Qeveria gjermane ka refuzuar kërkesën e Polonisë për pagesën e 1 miliard dollarëve për dëmet e shkaktuara nga Lufta e Dytë Botërore, duke thënë se kjo çështje ishte zgjidhur në vitin 1953.
Zëdhënësi i qeverisë së Gjermanisë, Steffen Seibert, tha se “Polonia ka marrë një vendim obligues në gusht të vitit 1953, për tërheqjen e kërkesave për dëmshpërblim të mëtejshëm për pasojat e luftës”.
“Rrjedhimisht, kjo është është zgjidhur juridikisht dhe politikisht”, tha Seibert.
Sipas tij, Berlini në tërësi e kishte pranuar përgjegjësinë për “krime të papërshkruara” të Gjermanisë naziste gjatë Luftës së Dytë Botërore, por i kishte paguar Polonisë “dëmshpërblime të konsiderueshme për dëmet e përgjithshme të luftës”.
Një marrëveshje ishte nënshkruar nga liderët komunistë të Polonisë në vitin 1953, ku hiqej dorë nga kërkesat e tjera kundër Gjermanisë.
Por, qeveria konservatore dhe nacionaliste e Polonisë ka argumentuar se marrëveshja ishte bërë nën urdhërat e ish-Bashkimit Sovjetik dhe se ajo nuk është e vlefshme.
“Sipas mendimit tim, Polonia ka të drejtë për këtë dhe shteti i Polonisë ka të drejtë ta kërkoj këtë”, tha kryeministrja e Polonisë, Beata Szydlo. /tesheshi.com/
