Kreut i Departamentit të Rendit dhe Sigurisë në PD, Enkelejd Alibeaj ka sulmuar ditën e sotme ministrin e Brendshëm, Sailir Tahirin, të cilit i ka kërkuar të largohet sa më parë nga posti, duke u shprehur se ministri është i inkriminuar
“Projekti i madh i Tahirit ishte krijimi i një hambari të madh droge të pahasur më parë në vend, dhe ai organizoi gjithë infrastrukturën për këtë. Nën drejtimin e tij mbarë territori u mboll me kanabis. Pas çdo kodre me drogë është një pakt 30 përqindësh i bandave me Tahirin. Tahiri ka një grusht njerëzish koordinatorë të mbjelljes, rritjes dhe shitjes së drogës, mes tyre spikasin Habilajt, banda e Shullazit, dhe siç u evidentua Balili i Sarandës”, – tha Alibeaj.
Ai shton se Tahiri është shërbëtor i zellshëm dhe i qëndron paktit me krimin, ndërsa shprehet se ministri i vuri shkrepësen provave të drogës në laborator për të fshirë gjurmët e bashkëpunetorëve.
“Sa kohë të jetë Ministër i Brendshëm i vendit Saimir Tahiri, bandat janë në pushtet, droga lëviz ngado, krimet kanë licencë. Tahiri duhet të largohet menjëherë, ai është turpi i shqiptarëve, dhe shfytyrimi më kriminal i ndonjë ministri të Brendshëm në 25 vite”, – përfundoi deklaratën për shtyp demokrati Enkeled Alibeaj. /tesheshi.com/
